સુરત જિલ્લાનાં કિમ ખાતે કંપનીમાં નોકરી જતી વખતે અમરોલીમાં આઉટર રિંગરોડ પર સવારે બાઇકને કારે ટક્કર મારતા ગંભીર ઇજા થતા આધેડનું ઘટના સ્થળે મોત નિપજયું હતું. સ્મીમેર હોસ્પિટલથી મળેલી વિગત મુજબ, ચોકબજારનાં વેડ રોડ પર ઓમ વિધ્નશ્વર એપાર્ટમેન્ટમાં રહેતા ૫૩ વર્ષીય રાજેસભાઇ મધુભાઇ વેગડ શુક્રવારે સવારે બાઇક પર કિમખાતે કંપનીમાં નોકરી જવા નીકળ્યા હતા. તે સમયે અમરોલીમાં આઉટર રિંગરોડ પર વરીયાવ ત્રણ રસ્તા પાસે પુરપાટ હંકારતા કાર ચાલકે બાઇકને અડફેટે લેતા અકસ્માત સર્જાયો તો જેમાં તેને ગંભીર ઇજા થતા ઘટના સ્થળે કમકમાટી ભર્યુ મોત નીંપજયું હતું. જયારે રાજેશભાઇ મુળ અમરેલીમાં ધારીના વતની હતા. તેમને સંતાનમાં એક પુત્ર છે. આ અંગે અમરોલી પોલીસે વધુ કાર્યવાહી હાથ ધરી હતી.