સુરત જિલ્લાનાં કીમ નજીક કઠોદરા ગામે કડિયાકામ કરી રહેલ મજૂરને કરંટ લાગવાના પગલે તેનું ઘટના સ્થળે જ મોત થયું હતું. મળતી માહિતી મુજબ, સોનુસિંગ રાજુસિંગ સિકલીગર કઠોદરા ગામની સીમમાં આવેલી હીરા પાર્ક સોસાયટીનાં મકાન નં.20માં ધાબા પર બાંધકામ કરી રહ્યો હતો. આ મકાન નજીકથી પસાર થતો જીવંત વીજતાર સોનુસિંગને અડી જતાં વીજકરંટ લાગ્યો હતો. તે બેભાન બેભાન થઈને પડી જતાં સારવાર અર્થે નજીકની હોસ્પિટલ ખાતે ખસેડવામાં આવ્યો હતો. જ્યાં ફરજ પરના ડોક્ટરોએ તેને મૃત ઘોષિત કર્યો હતો. સમગ્ર બનાવની જાણ થતાં હાલ પોલીસે અકસ્માતનો ગુનો નોંધી આગળની તપાસ હાથ ધરી હતી.