તાપી જિલ્લાનાં ડોલવણ તાલુકામાં ડોલવણ ગામમાં સરકારી દવાખાનાની બાજુમાં ‘જય અંબે ગૃપ’ ડોલવણ દ્વારા છેલ્લા ૫ વર્ષથી નિ:શુલ્ક પણે ભવ્યથી અતિભવ્ય નવરાત્રિનું આયોજન કરવામાં આવે છે. આ વર્ષે પણ તારીખ ૩ ઓક્ટોબરના દિવસે શરૂ થનાર જગદંબાના પવિત્ર અવસરની ભવ્ય તૈયારીઓ કરવામાં આવી છે.

આ નવરાત્રી મહોત્સવમાં ડોલવણ તેમજ આસપાસના ૩૦થી ૩૫ કેટલા ગામોના લોકો ઉત્સાહપુર્વક ભાગ લે છે. માતાજીનાં ગરબે ઘુમવા રોજ હજારો ભક્તો ભક્તિભાવ પુર્વક જોડાય છે. નવરાત્રીના આ ભવ્ય આયોજનમાં ભક્તોને કોઈ પણ પ્રકારના પાસ કે ફી વગર નિ:શુલ્ક એન્ટ્રી મળે છે. સમગ્ર ડોલવણ વિસ્તારના આ પ્રકારના આયોજનથી લોકોમાં ભક્તિમય, ઉત્સાહ અને આનંદનો માહોલ ઊભો થયો છે અને સર્વે ભક્તોને આ પર્વમાં ઉત્સાહ પુર્વક ભાગ લેવા માટે જય અંબે ગૃપ દ્વારા હાર્દિક આમંત્રણ પાઠવવામા આવે છે.