મનિષા એસ. સુર્યવંશી/તાપી : સોનગઢ નગરના હાથી ફળીયામાં વગર પાસ પરમિટે મુંબઈથી નીકળતા વરલી મટકાના આંકો પર ઓનલાઈન હાર જીતનો જુગાર રમાડનાર જુગારી ઝડપાયો હતો. મળતી માહિતી મુજબ, સોનગઢ પોલીસ સ્ટાફના માણસોએ શનિવારનાં રોજ સાંજના સમયે મળેલ બાતમીના આધારે હાથી ફળીયામાં આશીર્વાદ કોમ્પલેક્ષ પાસે મોબાઈલમાં એપ્લીકેશન વડે મુંબઈથી નીકળતા વરલી મટકાના આંકો પર ઓનલાઈન હાર જીતનો ઉપર જુગાર રમાડનાર નૈનેષ શ્યામભાઈ કોંકણી (રહે.હાથી ફળિયું, સોનગઢ)ને ઝડપી પાડી તેની પાસેથી એક નંગ મોબાઈલ અને અલગ અલગ દરની ભારતીય ચલણી નોટનાં રોકડ રૂપિયા મળી કુલ રૂપિયા 16,330/-નો મુદ્દામાલ કબ્જે કર્યો હતો. બનાવ અંગે પોલીસે ઝડપાયેલ ઈસમ સામે જુગારધારાની કલમ હેઠળ ગુનો નોંધી કાયદેસરની કાર્યવાહી હાથ ધરવામાં આવી હતી.