નિઝર તાલુકાનાં વેડાપાડા ગામમાં અચાનક એક ઘરમાં આગ લાગતા ઘર-વખરી સહિતનો સરસામાન બળી જતા પરિવારને ભારે નુકસાન પહોંચ્યું હતું. મળતી માહિતી મુજબ, વેડાપાડાના રહીશ ચંદ્રસિંહ વળવીના ઘરમાં કોઈક કારણસર આગ લાગી ઊઠી હતી અને ઘરને આગની જ્વાળાઓએ લપેટમાં લેતા પરિવારજનો તેમજ આસપાસના રહીશોના જીવ ટાળવે ચોંટી ગયા હતા. જયારે આગની જ્વાળાઓએ આસપાસના વિસ્તારમાં ફેલાઈ તો ભારે નુકસાન થવાની શક્યતાઓ હોવાથી સમગ્ર વિસ્તારમાં ગભરાટ મચી ગયો હતો. જોકે રહીશો પાણીનો મારો ચલાવી ભારે જહેમત બાદ આગ પર કાબુ મેળવ્યો હતો. પરંતુ આ આગમાં પરિવારની ઘર-વખરી સહિતનો સામાન તેમજ ઘર આગમાં બળીને ખાખ થઈ જતા પરિવારને ભારે નુકસાન વેઠવાનોવારો આવ્યો હતો.