સુરતનાં કામરેજના ચોર્યાસી ગામ નજીક અકસ્માતમાં એક ઈસમનું મોત નિપજ્યું પોલીસે અજાણ્યા વાહન ચાલક વિરૂધ્ધ ગુનો કરી કાયદેસરની કાર્યવાહી હાથ ધરી હતી. સુત્રો પાસેથી મળતી માહિતી  અનુસાર, કામરેજના ચોર્યાસી ગામ નજીક નેશનલ હાઇવે પર વાવ ગામના 44 વર્ષીય જતીન ભીખુભાઈ પટેલ જેઓ વિજય હોટેલ પાસે આવેલ કટમાં બાઈકનો ટર્ન લઈ રહ્યા હતા. તે દરમિયાન પુરઝડપે આવી રહેલા અજાણ્યા વાહન ચાલકે બાઈક ચાલક જતિનભાઈને અડફેટે લીધા હતા. જેને પગલે જતિન ભાઈ રોડ પર પટકાયા હતા અને માથાના ભાગે અને શરીરે નાની-મોટી ગંભીર ઈજાઓ થઈ હતી. ગંભીર રીતે ઇજાગ્રસ્ત જતીનભાઈને કામરેજ આરોગ્ય કેન્દ્ર ખાતે લઈ જવામાં આવ્યા હતા. જ્યાં હાજર તબીબે તેઓને મરણ જાહેર કર્યા હતા. અકસ્માત અંગે કામરેજ પોલીસે અજાણ્યા વાહન ચાલક વિરૂધ્ધ ગુનો દાખલ કરી કાયદેસરની કાર્યવાહી હાથ ધરી હતી.