‘હર ઘર તિરંગા’ કાર્યક્રમ અંતર્ગત તાપી જિલ્લાના વ્યારા નગરપાલિકા દ્વારા તારીખ ૧૨ ઓગસ્ટ ૨૦૨૪ને સવારે ૭:૦૦ કલાકે સયાજી ગ્રાઉન્ડ ખાતેથી ભવ્ય તિરંગા યાત્રાનું આયોજન કરવામાં આવ્યું છે. જે સયાજી ગ્રાઉન્ડ ખાતેથી નીકળી સુરતી બજાર, રામા રીજન્સી, જૂના બસ સ્ટેન્ડ થઈને ફરી સયાજી ગ્રાઉન્ડ પરત ફરશે. આ ભવ્ય તિરંગા યાત્રા થકી વ્યારા નગર સહીત તાપી જિલ્લાનું વાતાવરણ દેશ પ્રેમમાં રંગાઈ જશે. આઝાદીની ઉજવણીને યાદગાર બનાવવા તેમજ લોકોમાં દેશપ્રેમની ભાવના ઉજાગર કરતી આ ભવ્ય તિરંગા યાત્રામાં નગરજનો સહભાગી થાય તે માટે વ્યારા નગરપાલિકાએ નગરજનોને અનુરોધ કર્યો છે. નોંધનીય છે કે, તારીખ ૧૩મી ઓગસ્ટે સોનગઢ નગરપાલિકા દ્વારા ભવ્ય તિરંગા યાત્રાનું આયોજન કરાશે.