કામરેજનાં માંકણા ગામે આવેલ કામધેનુ ટેક્સટાઈલમાં રહેતો ૨૦ વર્ષીય યુવક બીજા માળેથી પાન માવો થુકવા જતા નીચે પટકકાતા ગંભીર ઇજા થતાં તેનું મોત થયું હતું. સુત્રો પાસેથી મળતી માહિતી મુજબ, જયદીપસિંગ રજુસિંગ લોઢી (ઉ.વ.૨૦., રહે.કામધેનુ ટેક્ષટાઈલ, માંકણા ગામ, તા.કામરેજ) મજૂરી કામ કરી પોતાનાં પરીવારનું ગુજરાન ચલાવતો હતો. જયારે જયદીપસિંગ ટેક્સટાઈલનાં બીજા માળે હતો. જે દરમ્યાન પાન માવો ખાઈને થુંકવા જતાં પગ લપસી જતા તે બીજા માળેથી નીચે પટકાતા ગંભીર ઈજા થઈ હતી. જેથી તેનું મોત નિપજ્યું હતું. ઘટના અંગે કામરેજ પોલીસે અકસ્માત મોત ગુનો નોંધી આગળની તપાસ હાથ ધરી હતી.