બારડોલીનાં મઢી રેલવે સ્ટેશન નજીક મેમુ ટ્રેનની અડફેટે આવતાં અજાણ્યા શખ્સનું મોત નિપજ્યું હતું. મઢી રેલવે સ્ટેશન ઉપર ગત તારીખ ૨૮-૧૨-૨૪ નારોજ ટ્રેન નં.૦૯૦૯૬ નંદુરબાર ઉધના મેમુ ટ્રેનથી કોઇ અજાણ્યો કપાઇ ગયો હતો. આશરે ૩૦ વર્ષીય અજાણ્યા યુવક મધ્યમ બાંધાનો, ઘઉં વર્ણનો તથા જમણા હાથ ઉપર ઉમેશનું ટેટૂ ત્રોફાવેલ છે, જમણા હાથે બાવળા ઉપર ફુલવાળાં ટેટૂમાં ઉમેશ તથા દિલમાં યુઆર ત્રોફાવેલ છે. તેના કોઇ વાલી વારસ ન મળતા લાગતા-વળગતાઓએ વ્યારા રેલવે આઉટ પોસ્ટનો સંપર્ક કરવા જણાવવામાં આવ્યું છે.