માહિતી વિભાગ દ્વારા નવસારી, ૯માં ‘આંતરરાષ્ટ્રીય યોગ દિવસ’ની ઉજવણી નિમિતે યુવા કાર્યક્રમ અને રમતગમત મંત્રાલયના નહેરુ યુવા કેન્દ્ર નવસારી દ્વારા જલાલપોર તાલુકામાં ભવ્ય કાર્યક્રમનું આયોજન કરવામાં આવ્યું હતું. વસુદેવ કુટુંબકમ થીમ પર આધારિત આ કાર્યક્રમમાં મોટી સંખ્યામાં લોકોએ ભાગ લીધો હતો. આ કાર્યકમમાં નહેરુ યુવા કેન્દ્રના યુવા મંડળ, સરદાર પટેલ વિદ્યાભવન, નીલકંઠ હાઈસ્કૂલ અને નવચેતન વિદ્યાલયના યુવાઓએ ભાગ લીધો હતો. યુવાઓને યોગ અને યોગ પ્રોટોકોલના વિશે સમજાવવામાં આવ્યું હતું. ‘વિશ્વ યોગ દિન’ના કાર્યક્રમમાં જિલ્લા યુવા અધિકારી, રોજગાર અધિકારી, ગુજરાત રાજ્ય યોગ બોર્ડના જિલ્લા કોર્ડીનેટર અને તલાટી હાજરી આપી હતી.