ગુજરાત વિધાનસભાની ચૂંટણી પહેલા આપ પાર્ટીએ ઈસુદાન ગઢવીને સીએમ પદનો ચહેરો બનાવ્યા છે. જ્યારથી ઈસુદાન ગઢવી આપ પાર્ટીમાં જોડાયા છે ત્યારથી આપ તરફથી તેઓ મોટો ચહેરો મનાતા હતા. ત્યારે આજે આપના દાવા મુજબ 16 લાખ 48 હજાર 500 લોકોના સૂચનો આવ્યા બાદ ઈસુદાનને સીએમ બનાવવામાં આવ્યા છે. પરંતુ બીજી તરફ કેજરીવાલ અને પાર્ટીમાં પણ ઈસુદાન પ્રતિ ઝુકાવ ચોક્ક્સથી હતો. તેઓ લોકોમાં પણ પોપ્લુલર છે આ સિવાય પણ અન્ય કારણો છે 73 ટકા લોકોની પસંદગી ઈસુદાન ગઢવી છે, પરંતુ શું આ એકમાત્ર કારણ છે. આ સિવાય અને કારણો પણ છે.

ઇસુદાન ગઢવી ઓબીસી સમુદાયમાંથી આવે છે. ગુજરાતમાં OBC સમુદાય 48 ટકા છે જે રાજ્યમાં સૌથી વધુ છે. આવી સ્થિતિમાં ઘણી સીટો પર જીત અને હાર તેમના વોટથી નક્કી થાય છે. તેમને સીએમ ચહેરો બનાવવા પાછળનું આ એક મહત્વનું કારણ પણ હોઈ શકે છે. તેની સાથે તેમની સ્વચ્છ છબી પણ છે બીજું આ કારણ પણ માનવામાં આવી રહ્યું છે. સૌરાષ્ટ્રની કોઈપણ બેઠક પરથી તેમને મેદાનમાં ઉતારી શકાય છે કેમ કે,તેઓ જામનગર જિલ્લામાંથી આવે છે.

ઇસુદાન ગઢવી એક ખાનગી ગુજરાતી ચેનલના લોકપ્રિય એન્કર હતા,જ્યાં તેમણે મહામંથન નામનો શો સાંજના સમયે શરૂ કર્યો હતો. આ કાર્યક્રમ રાત્રે 8-9 વાગ્યા સુધી પ્રસારિત થતો હતો જે બાદમાં અડધો કલાક લંબાવવામાં આવ્યો હતો. સાદી ભાષામાં સચોટ બોલતા તેમની વાકછટા લોકોને ખૂબ પસંદ આવી. ગઢવી લોકો માટે આશા બન્યા અને આ વાત તેમને રાજકીય ક્ષેત્રે પણ દોરી લાવી.

ખેડૂત નેતા અને 'આપ' નેશનલ જોઈન્ટ જનરલ સેક્રેટરી Isudan Gadhvi ને આમ આદમી પાર્ટી તરફથી મુખ્યમંત્રી પદના ઉમેદવાર બનવા બદલ અભિનંદન સહ ખૂબ ખૂબ શુભેચ્છાઓ! વિજય ભવ:વિધાનસભાની ચૂંટણી ઉંબરે ઉભી છે ત્યારે આમ આદમી પાર્ટીના રાષ્ટ્રીય કન્વીનર અરવિંદ કેજરીવાલ પણ સીએમ પદની ઉમેદવારી ઘોષિત સમયે ઉપસ્થિત રહ્યા હતા.