કોરોના મહામારી સામેની લડાઈમાં રસીકરણ સૌથી મોટુ હથિયાર સાબિત થયું છે. દેશમાં એક વર્ષ પહેલા તા.16 જાન્યુઆરીએ મહાઅભિયાનની શરૂઆત થઈ હતી. દરમિયાન, સીરમ ઇન્સ્ટિટ્યૂટ ઓફ ઇન્ડિયા (એસઆઈઆઈ) અને દેશના 2 રસી ઉત્પાદકો ભારત બાયોટેકે હવે ખુલ્લા બજારમાં તેમની રસી શરૂ કરવા માટે સરકાર પાસે મંજૂરી માંગી છે. સૂત્રોના જણાવ્યાનુસાર, એક વાર ઓપન માર્કેટમાં આવ્યા બાદ સ્વદેશી કોવિશિલ્ડ અને કોવેક્સિન બન્નેની કિંમત 275 રૂપિયા પ્રતિ ડોઝ અને 150 રુપિયા વધારાના સર્વિસ ચાર્જ હશે. બંને રસીને ટૂંક સમયમાં જ બજારમાં લોન્ચ કરવામાં આવશે તે ભારતના ડ્રગ રેગ્યુલેટર પાસેથી મંજૂરી મળવાની અપેક્ષા છે. જોકે, નેશનલ ફાર્માસ્યુટિકલ પ્રાઇસિંગ ઓથોરિટી (એનપીપીએ)ને રસીને સસ્તી બનાવવા માટે પ્રાઇસ કેપ રાખવાની દિશામાં કામ શરૂ કરવાનો નિર્દેશ આપવામાં આવ્યો છે.અત્યાર સુધી, કોવેક્સિનની કિંમત 1200 રૂપિયા પ્રતિ ડોઝ છે, જ્યારે ખાનગી હોસ્પિટલોમાં કોવિશિલ્ડના એક ડોઝની કિંમત 780 રૂપિયા છે. કિંમતોમાં 150 રૂપિયાનો સર્વિસ ચાર્જ પણ શામેલ છે. હાલમાં, બંને રસીઓ ફક્ત દેશમાં જ કટોકટીના ઉપયોગ માટે અધિકૃત છે. સેન્ટ્રલ ડ્રગ્સ સ્ટાન્ડર્ડ કન્ટ્રોલ ઓર્ગેનાઇઝેશનની કોવિડ-19 પરની વિષય નિષ્ણાત સમિતિએ તા.19 જાન્યુઆરીએ ચોક્કસ શરતો સાથે પુખ્ત વસ્તીમાં ઉપયોગ માટે એન્ટિ-કોવિડ રસીઓ કોવિશિલ્ડ અને કોવેક્સિનને નિયમિત પણે શરૂ કરવાની મંજૂરીની ભલામણ કરી હતી. એનપીપીએને રસીની કિંમતને દૂર રાખવાની દિશામાં કામ કરવાનું કહેવામાં આવ્યું છે. બંને વેક્સિનની કિંમત 275 રૂપિયા પ્રતિ ડોઝ અને 150 રૂપિયાનાં વધારાના સર્વિસ ચાર્જ સાથે રાખવાનું કહેવાયું છે.