ડાંગ જિલ્લામાં વરસાદનું જોર ઓછું થતાં તમામ કોઝ-વે કમ પુલો ‎‎પરથી પાણી ઓસરી જતાં ફરી ‎‎જનજીવન ધબકતુ થયું હતું. ‎ડાંગ જિલ્લામાં સતત બે‎ દિવસથી ધોધમાર વરસાદ ‎ખાબકતા અંબિકા, પૂર્ણા, ગીરા‎અને ખાપરી નદી રૌદ્ર સ્વરૂપ‎ ધારણ કરી બંને કાંઠે વહેતી થઈ ‎હતી. જેના પગલે 15થી વધુ‎ કોઝ-વે કમ પુલ પર પાણી ફરી‎ વળતા 30થી વધુ ગામ પ્રભાવિત ‎થયા હતા. આ સાથે‎ આહવા-સાપુતારા રાષ્ટ્રીય ‎ધોરી માર્ગમાં પણ ભેખડો ધસી ‎પડતા માર્ગ બંધ થયો હતો. માર્ગ ‎‎‎‎‎‎‎‎‎‎‎‎‎‎‎‎‎‎‎મકાન વિભાગ દ્વારા રાત-દિવસની ‎જહેમત બાદ આહવા-સાપુતારા‎ માર્ગ ફરી યાતાયાત કરાયો છે.‎ જોકે શનિવારે ડાંગનાં સુબીરમાં ‎વરસાદ નોંધાયો હતો. જ્યારે ‎સાપુતારા, આહવા અને વઘઇ ‎પંથકમાં વરસાદી જોર ધીમુ પડતા‎ ગતરોજ ગરક થયેલ તમામ‎ કોઝ-વે કમ પુલો પરથી પાણી ‎‎‎‎‎‎‎‎‎‎‎‎‎‎‎‎‎‎‎ઓસરી ગયા હતા.

ત્રીજા દિવસે‎ વરસાદે પોરો ખાતા જન જીવને ‎હાશકારો અનુભવ્યો હતો.‎ ગિરિમથક સાપુતારા સહિત ‎વઘઇનાં ગીરાધોધ પર શનિવારે ‎પ્રવાસીઓનું ઘોડાપૂર ઉમટી પડતા ‎ઠેરઠેર જામનાં દ્રશ્યો દેખાયા હતા. ‎શનિવારે હળવા વરસાદી ‎માહોલમાં ગિરિમથક સાપુતારામાં ‎મોટી સંખ્યામાં પ્રવાસીઓ ઉમટી‎ પડતા ઠેર-ઠેર હાઉસફુલનાં પાટિયા‎ ઝૂલી ઉઠ્યા હતા. સાપુતારામાં‎ મોન્સૂન ફેસ્ટિવલને લઈને ‎સાપુતારાની તમામ હોટેલો,‎ હોમસ્ટે, ટેન્ટ સિટીઓ હાઉસ ફુલ ‎થઈ હતી. શનિવારે હળવા વરસાદી ‎માહોલ અને ધુમ્મસ ભર્યા‎ વાતાવરણમાં પ્રવાસીઓએ બોટીંગ ‎સહિત વિવિધ એડવેન્ચર‎ એક્ટિવિટીનો આસ્વાદ માણી‎ ધન્યતા અનુભવી હતી. ડાંગ જિલ્લા‎ ડિઝાસ્ટર વિભાગનાં જણાવ્યાનુસાર ‎છેલ્લા 24 કલાક દરમિયાન ‎આહવામાં 14 મિમી, વઘઇમાં 14‎મિમી, સાપુતારામાં 11 મિમી જ્યારે ‎સૌથી વધુ સુબીરમાં 41 મિમી‎ (1.64 ઈંચ) વરસાદ નોંધાયો હતો.