મનિષા એસ. સુર્યવંશી/તાપી : સુરત ગ્રામ્ય જિલ્લાનાં બારડોલી ટાઉન પોલીસ સ્ટેશનમાં એન.ડી.પી.એસ.નાં ગુન્હામાં નાસતો ફરતો વોન્ટેડ આરોપીને સોનગઢ ઓટા ચાર રસ્તા પાસેથી ઝડપી પાડી કાયદેસરની કાર્યવાહી હાથ ધરવામાં આવી હતી. મળતી માહિતી મુજબ, તાપી એલ.સી.બી તથા પેરોલ ફર્લો સ્કોર્ડ તાપી પોલીસ સ્ટાફનાં માણસો તારીખ ૨૫/૧૧/૨૦૨૪નાં રોજ સોનગઢ પોલીસ સ્ટેશન વિસ્તારમાં પેટ્રોલીંગમાં હતા. તે દરમિયાન એ.એસ.આઈ. આંનદજી ચેમાભાઈ અને અ.પો.કો. રાહુલભાઈ દિગંબરભાઈ નાંઓને મળેલ બાતમીનાં આધારે, સોનગઢ ઓટા ચાર રસ્તા પાસેથી બારડોલી ટાઉન પોલીસ સ્ટેશનમાં એન.ડી.પી.એસ.નાં ગુન્હામાં નાસતો ફરતો વોન્ટેડ આરોપી ભરત મંગલસિંગ નાઈક (ઉ.વ.૨૧., રહે.રાયગઢ ગામ, નિશાળ ફળિયું, તા.નિઝર, જિ.તાપી)નાંને ઝડપી પાડી આગળની વધુ કાર્યવાહી હાથ ધરવામાં આવી હતી.