દારૂના ગુનામાં ઘણા લાંબા સમયથી નાસતા ફરતા વોન્ટેડ આરોપીઓને તાપી પોલીસ સ્ટાફના માણસોએ ગુરુવારનારોજ વ્યારા અને સોનગઢ માંથી ઝડપી પાડી કાયદેસરની કાર્યવાહી હાથ ધરી હતી.

મળતી માહિતી મુજબ તાપી જિલ્લા લોકલ ક્રાઈમ બ્રાંચ અને તાપી પ્રોહી સ્કોડને મળેલ બાતમીના આધારે તાપી એલસીબીએ વ્યારા ઉનાઈ નાકાથી જનકનાકા તરફ જતા રોડ ઉપર ભારત પેટ્રોલ પંપની સામેની બાજુએ રોડની બાજુમાં આવેલ ચાની લારી સામેથી વિજય ઉર્ફે વીજુ ભીમાભાઈ ગામીત રહે,હાથી ફળિયું-સોનગઢ નાને ઝડપી પાડ્યો હતો જયારે તાપી પ્રોહી સ્કોડના માણસોએ સોનગઢના લક્કડરોડ તરફ જતા રોડ ઉપરથી વિપુલ વિનોદભાઈ ગામીત મૂળ રહે,પીપળકુવા ગામ દાદરી ફળિયું-સોનગઢ નાને ઝડપી પાડ્યો હતો.