તાપી જીલ્લા એલસીબીના પીઆઈ ડી.એસ.લાડની સુચના અને માર્ગદર્શન હેઠળ પોલીસ સ્ટાફના માણસો એએસઆઇ ભુપેન્દ્રભાઈ યશવંતરાવ તથા હેડકોન્સ્ટેબલ લેબજીભાઇ પરબતજીભાઈ, પોલીસ કોન્સ્ટેબલ વિનોદભાઈ આજરોજ સોનગઢ પોલીસ સ્ટેશનના વિસ્તાર પેટ્રોલિંગમાં હતાં.

તે દરમિયાન હેડકોન્સ્ટેબલ લેબજીભાઇ પરબતજીભાઇને મળેલ બાતમીના આધારે સોનગઢ પોલીસ મથકે દાખલ થયેલ ખાણ ખનીજ ચોરી ના ગુનામાં છેલ્લા બે વર્ષથી નાસતો ફરતો વોન્ટેડ આરોપી પ્રિતેશભાઇ મનુભાઈ ગામીત રહે, વીરપુર ગામ,ગામઠાણ ફળિયું-વ્યારા નાને સોનગઢના કીકાકુઈ ગામના પાટિયા પાસેથી ઝડપી પાડવામાં આવ્યો હતો.

પકડાયેલા આરોપીની પૂછપરછમાં ખાણ ખનીજ ચોરીના ગુનામાં સંડોવાયેલા હોવાની કબુલાત કરી હતી. હાલ આરોપીની મેડીકલ તપાસણી કરાવી અટક કરવાની કાર્યવાહી કરવાની હોય જેથી આરોપીની મેડીકલ કરાવવા આગળની વધુ તપાસ માટે સોનગઢ પોલીસને સોંપવામાં આવ્યો છે.