વ્યારાના ઝાંખરી ગામે રહેતા શિષભાઈ શંકરભાઈ ગામીત ખેતી અને પશુપાલનનું કામકાજ કરે છે ઘરમાં તેમની પત્ની અમિતાબેન અને એક નાની પુત્રી તેમજ તેમના પિતા શંકરભાઈ સાથે રહે છે. છેલ્લા કેટલા સમયથી આશિષભાઈ અને અમિતાબેન વચ્ચે નાના-મોટા ઝઘડા થયા કરતા હતા જેને લઇ તા.૧૨/૦૩/૨૦૨૩ નારોજ  સવારે ઘરના માળાના આડિયા ના લાકડા સાથે એક જ દોરડા વડે બંને વ્યક્તિએ ઘરે ફાંસો ખાય આપઘાત કરી લીધો હતો. બનાવ અંગે પોલીસને જાણ થતા ઘટના સ્થળે આવી વધુ તપાસ હાથ ધરી હતી.

મળતી માહિતી મુજબ તાપી જિલ્લાના વ્યારા તાલુકાના ઝાંખરી ગામના ડુંગરી ફળિયામાં રહેતા આશિષભાઈ અને તેમની પત્નીએ રવિવારે ઘરમાં ગળે ફાંસો ખાઈ જીવન ટૂકાવી દીધું હતું. તે દરમિયાન તેમના પિતા શંકરભાઈ ખેતરમાં ગયા હતા અને તેમની નાની પુત્રી ફળિયામાં રમવા ગઈ હતી. જે પરત ઘરમાં ફર્યા હતા ત્યારે તેમણે માતા-પિતાની લટકતી લાશ ને જોતા રડવા લાગી હતી, દીકરીનો અવાજ સાંભળી આજુબાજુ ના પડોશીઓ ઘરે આવી જોતા સમગ્ર હકીકત બહાર આવી હતી. જે બાદ ખેતરે ગયેલા શંકરભાઈ ને ઘરે બોલાવ્યા હતા અને શંકરભાઈ ભીલીયાભાઈ ગામીત દ્વારા વ્યારા પોલીસને જાણ કરવામાં આવતા વ્યારા પોલીસ ઘટના સ્થળે પહોંચી વધુ તપાસ હાથ ધરી હતી.