વાપી તાલુકાના સલવાવ ગામે અનીલ નરશી માહ્યાવંશી પોતાની હીરો હોન્ડા સ્પ્લેન્ડર મોટરસાયકલ નંબર જીજે/15/એફ/5752 ઉપર વાપી જીઆઈડીસી ભડકમોર પાસેથી પસાર થતા હતા. તે સમય દરમિયાન એક ટ્રક નંબર જીજે/12/એવી/7260ના ચાલકે પોતાની ટ્રક પુરઝડપે અને ગફલતભરી રીતે હંકારી લાવતા અનીલભાઈની બાઈકને જોરમાં ટક્કર મારતા અનિલભાઈ રસ્તા ઉપર ફેંકાઈ ગયા હતા અને તેમને પગ તથા માથાના ભાગે ગંભીર ઈજા પહોંચી હતી.

 

 

 

ત્યારબાદ તેમને 108ની મદદથી વાપીની હરિયા હોસ્પિટલમાં દાખલ કરતા ત્યાં તેમના બંને પગમાં ફ્રેકચર થયું હોવાનું ડોકટરે જણાવ્યું હતું. પરંતુ માથાના ભાગે ગંભીર ઈજા થવાથી તેમની હાલત નાજુક હતી.

 

 

 

આ બનાવ અંગે જયેશભાઈ માહ્યાવંશી પોલીસને ફરિયાદ આપતા પોલીસે ટ્રક ચાલક સામે ગુનો નોંધી આગળની કાર્યવાહી હાથ ધરી હતી.