ઉમરગામ તાલુકાના ભીલાડ પાસે વલવાડા હાઈવે ઉપર ટ્રક અને ટ્રાવેલ્સ બસ વચ્ચે અકસ્માત સર્જાતા ત્રણને ઈજા થતા તાત્કાલિક હોસ્પિટલમાં ખસેડવામાં આવ્યા હતા.

 

 

 

પુણાથી અમદાવાદ જતી ટ્રાવેલ્સ બસ નંબર જીજે/18/એઝેડ/5858 જઈ રહી હતી. તે સમય દરમિયાન ભીલાડ નજીક વલવાડા મુંબઈથી વાપી તરફ જતા હાઈવે ઉપર એક ટ્રક નંબર એચઆર/55/વી/7231ના ચાલકે પોતાની ટ્રક પુરઝડપે અને ગફલત ભરી રીતે હંકારી લાવી ડીવાઈડર કુદાવી ટ્રક બસ સાથે અથડાવી દેતા અકસ્માત સર્જાયો હતો. આ અકસ્માતમાં બસમાં સવાર પેસેન્જર પૈકી ત્રણ જણાને નાની-મોટી ઈજા થતા સારવાર માટે હરિયા હોસ્પિટલ વાપી ખાતે લઈ જવામાં આવ્યા હતા. આ અકસ્માત સવારે સાડા ચારેક વાગ્યે સર્જાયો હતો.

 

 

 

આ બનાવ અંગે બસના ચાલક ગૌતમસિંગ ભવનસિંગએ ટ્રક ચાલક વિરુદ્ધ ભીલાડ પોલીસ મથકમાં ફરિયાદ આપી હતી જેથી પોલીસે ફરિયાદ નોંધી આગળની કાર્યવાહી હાથ ધરી હતી.