વાપીના સાઈ વાટિકા છરવાડા રોડ છીરી ખાતે રહેતા કિશોરભાઈ નૈનારામ ત્રિવેદી વાપી ટાંકી ફળિયા ખાતે ભીખી માતા મંદિર પાસે મહાલક્ષ્મી મેડીકલ એન્ડ જનરલ સ્ટોર ચલાવે છે. કિશોરભાઈ બપોરે પોતાના એકટીવા નંબર જીજે/15/બીએસ/7807 ઉપર વાપી ટાઉનમાંથી દવા લેવા જતા હતા અને એકટીવા ઉપર બેસી ચાવી લગાવ્યા બાદ બેગ ભૂલી ગયાનું યાદ આવતા એકટીવામાંથી ચાવી લીધા વગર જ દુકાનમાં ગયા હતા.

 

 

 

તે સમયે પાછળથી કોઈક અજાણ્યા એ એકટીવા શરુ કરી દીધાનો અવાજ આવતા તેઓ તુરંત દુકાનમાંથી બહાર આવીને જોયું તો એક 20-25 વર્ષનો અજાણ્યો ઈસમ કિશોરભાઈની એકટીવા ચોરી નાસી જતો જોવા મળ્યો હતો તેથી તેને બુમ મારી પાછળ દોડ્યા હતા પરંતુ અજાણ્યો ઈસમ ભાગી છૂટ્યો હતો.

 

 

 

આ ઘટના અંગે કીશોભાઈએ વાપી ટાઉન પોલીસને ફરિયાદ આપતા પોલીસે અજાણ્યા વાહન ચોર સામે ગુનો નોંધી આગળની તપાસ હાથ ધરી હતી.