વાપીના નેશનલ હાઈવે નંબર-48 ઉપર ઈન્ડિયન પેટ્રોલ પંપ સામે એકટીવા સવારને ટ્રક ચાલકે અડફેટે લેતા તેનું ગંભીર ઈજાને કારણે ટૂંકી સારવાર દરમિયાન મોત નીપજ્યું હતું.

 

 

 

 

વલસાડ તાલુકાનાં કોસમકુવા ગામે જૂની નિશાળ ફળિયામાં રહેતા 48 વર્ષીય શૈલેષભાઈ જીવણભાઈ પટેલ પોતાની એકટીવા મોપેડ નંબર જીજે/15/ડીએલ/9236 ઉપર રાત્રીના સમયે વાપી નેશનલ હાઈવે નંબર-48 ઉપર ઈન્ડિયન પેટ્રોલ પંપ સામેથી પસાર થઈ રહ્યા હતા. તે સમય દરમિયાન એક ટાટા ટ્રક નંબર આરજે/14/જીજી/7488ના ચાલકે ટ્રક પુરઝડપે અને ગફલતભરી રીતે હંકારી લાવી શૈલેષભાઈને અડફેટે લેતા તેમને શરીરે ગંભીર પહોંચી હતી. ત્યારબાદ શૈલેશભાઈને તાત્કાલિક જીવનદીપ હોસ્પિટલમાં ખસેડવામાં આવ્યા હતા. જ્યાં ટૂંકી સારવાર દરમિયાન તેમનું મોત નીપજ્યું હતું.

 

 

 

 

આ ઘટના અંગે નીલેશભાઈ પરાગભાઈ પટેલે વાપી જીઆઈડીસી પોલીસને ફરિયાદ આપતા પોલીસે ટ્રક ચાલક વિરુદ્ધ ગુનો નોંધી આગળની કાર્યવાહી હાથ ધરી હતી.