વાપીના ડુંગરી ફળિયા મચ્છી માર્કેટના નાળા પાસે ગતરોજ રાત્રિના એક વાગે એક અજાણી સ્ત્રીનું માથુ કપાયેલી હાલતમાં પડ્યા હોવાની માહિતી મળતા ડુંગરા પોલીસ મથકના પીઆઇ ડી.એમ.ઢોલ સ્ટાફ સાથે સ્થળ ઉપર પહોંચ્યા હતા. મૃતકની ઓળખ સાધનાદેવી તરીકે અને તે તેના પતિ લક્ષ્મીકાંત ઉર્ફે ભોલા મુચકુંદલાલ વિશ્વકર્મા સાથે ડુંગરી ફળિયા હિન્દી સ્કૂલ પાસે આહિરવાડ ચંદ્રકેશ ખુશાલ યાદવની ચાલીમાં રહેતા હોવાનું બહાર આવ્યું હતું.

જયારે પતિ લક્ષ્મીકાંતને પોતાની પત્નીના ચારિત્ર્ય ઉપર શંકા હોય પત્નીનું તિક્ષ્ણ છરાથી ગળું કાપી મસ્તકને મચ્છી માર્કેટના નાળા પાસે ફેકી દઇ પુરાવાનો નાશ કરી ફરાર થઇ ગયો હતો. આરોપી વાપીની એક ખાનગી કંપનીમાં મજૂરી કામ કરતો હતો. ડુંગરા પોલીસે આરોપી સામે હત્યાનો ગુનો નોંધી ભાગી ગયેલા હત્યારા આરોપીને ઝડપી પાડી તેની સામે ગુનો નોંધી આગળની કાર્યવાહી હાથ ધરી હતી.