વલસાડના વાપી તાલુકામાં આવેલી વાપી જીઆઈડીસીમાં ગતરોજ આર્યન પેપર મિલમાંથી ધુમાળો નીકળતા જોઈને આજુબાજુમાં આવેલી કંપનીના કામદારોએ આર્યર પેપર મિલન કામદારોને ઘટનાની જાણ કરી હતી. આર્યન પેપર મિલ આગળ પેપર વેસ્ટના ઢગલામાં આગ લાગી હોવાની જાણ થતાં કંપનીના કામદારોમાં દોડધામ મચી ગઇ હતી. આ ઘટના અંગે વાપી ફાયર બ્રિગેડને જાણ થતાં વાપી જીઆઈડીસી ફાયર બ્રિગેડની ટીમ ઘટના સ્થળે પહોંચી પેપર વેસ્ટના ઢગલા ઉપર લાગેલી આગ ઉપર કાબુ મેળવવાનો પ્રયાસ હાથ ધર્યો હતો. જોકે પેપર વેસ્ટના ઢગલા ઉપર શોર્ટ સર્કિટ થવાથી આગ લાગી હોવાનું પ્રાથમિક તારણ ફાયર ફાઈટરોની જવાનો લગાવી રહ્યા છે.