ઉમરગામ તાલુકાનાં બોરલાઈ ગામે ખત્રી ફળિયામાં રહેતો 35 વર્ષીય પ્રીતેશ પ્રભુભાઈ ધોડી પોતાની યમાહા મોટરસાયકલ નંબર જીજે/15/એન/4734 ઉપર ઘરેથી દાનહના અથાલ ગામે આવેલી કંપનીમાં નોકરીએ જઈ રહ્યા હતા. તે સમયે નરોલી ગામે તેની યમાહા તથા બલેનો કાર નંબર એમએચ/11/સીજે/૦77૦ અને ઓટો રીક્ષા નંબર જીજે/15/વાય/4678 વચ્ચે અકસ્માતમાં પ્રીતેશ ધોડીને ગંભીર ઈજા પહોંચી હતી.તેથી તેને સારવાર અર્થે સેલવાસ વિનોબા ભાવે હોસ્પિટલમાં લઈ ગયા હતા. ત્યાં ટૂંકી સારવાર બાદ તેનું મોત નીપજ્યું હતું.

આ બનાવ અંગે મૃતકના પિતા પ્રભુભાઈ ઢેડાભાઈ ધોડીએ સેલવાસ પોલીસને ફરિયાદ નોંધાવતા પોલીસે ગુનો નોંધી આગળની તપાસ હાથ ધારી હતી.