પારડી તાલુકાનાં પરિયા ગામે બપોરના સમયે એક વાડીમાં અચાનક આગ ફાટી નીકળી હતી. આગે વાડીના ચીકુ તથા બોરના ઝાડને ચપેટમાં લીધા હતા. આ ઘટનાની જાણ પારડી ફાયર-બ્રિગેડની ટીમ તથા પારડી પોલીસની ટીમ ઘટના સ્થળે પહોંચી હતી.

પરિયા ઉદવાડા રોડ ઉપર પરિયા ગામની હદમાં આવેલી પ્રમોદ ગહેલોતની વાડીમાં અગમ્ય કારણસર આગ લાગી હતી. જેમાં ચીકુ, બોર, બાવળ, તથા નાળીયેરના ઝાડને મોટું નુકશાન પહોંચ્યું હતું. ફાયર-બ્રિગેડની ટીમે આગ બુઝાવમાં સફળતા મેળવી હતી અને આગમાં કોઇપણ પ્રકારની જાનહાની થઈ ના હતી.