વાપી ગીતાનગર સરવૈયા નગરની ઈ-1 બિલ્ડીંગ નીચે 14 વર્ષીય સગીરે લગ્ન પ્રસંગમાં અડચણ જણાતી કારને હટાવવા કાર માલિક પાસેથી કોઈક રીતે કારની ચાવી લઈ આવી અને પોતાને કાર ચલાવતા આવડતી ન હોવા છતા સેન્ટરો કાર નંબર જીજ/15/સીજે/9568ની ચાવી લગાવી સેલ મારતા કાર ચાલુ થઈ ગઈ હતી અને આગળ દોડવા લાગી હતી.

 

 

 

તે સમય દરમિયાન ત્યાં રમતા સુફિયાન તથા ફરહાનને અડફેટે લીધા હતા. આ અકસ્માતમાં ફરહાન (ઉ.વ.5) ને ગંભીર ઈજા થતા તેનું ઘટના સ્થળે જ મોત નીજાયું હતું. જયારે સુફિયાન (ઉ.વ.12) ને ઈજા થતા જીવનદીપ હોસ્પિટલમાં દાખલ કરાયો હતો.

 

 

 

આ ઘટના અંગે મૃતકના પિતા અહેમદ અન્સારીએ વાપી ટાઉન પોલિસ મથકે ફરિયાદ નોંધાવતા પોલીસે ગુનો નોંધી આગળની તપાસ હાથ ધરી હતી.