વલસાડ જિલ્લા સેવા સદન-૨માં સ્થિત અનુસૂચિત જાતિ વિકાસ કોર્પોરેશન કચેરીમાં છેલ્લા ૩૯ વર્ષથી પટાવાળા તરીકે ફરજ બજાવતા દિલીપભાઈ રણછોડભાઈ સોલંકી (ઉ.વ.૬૦,રહે.ફડવેલ,ચીખલી, નવસારી) વય મર્યાદાના કારણે નિવૃત્ત થતા વલસાડ તાલુકા પંચાયત પાછળ આવેલા આંબેડકર ભવનમાં અનુસૂચિત જાતિ કલ્યાણ કચેરીના નાયબ નિયામક એચ.એલ.ચૌધરીની અધ્યક્ષતામાં વિદાય સમારંભ યોજાયો હતો. આ પ્રસંગે નાયબ નિયામકશ્રી ચૌધરીએ જણાવ્યું કે, કચેરીમાં આવતા અનેક અરજદારો તેમજ લાભાર્થીઓને દિલીપભાઈ પોતાના કાર્યકાળ દરમિયાન મદદરૂપ થયા હતા. સરકારની અનેકવિધ યોજનાઓનો લાભ અનુસૂચિત જાતિના લોકો સુધી પહોંચે તે માટે પ્રયત્નશીલ હતા. નિવૃત્તિ બાદ તેમનુ જીવન સુખ, શાંતિ, સમૃધ્ધિ અને નિરોગીમય રહે તેવી શુભેચ્છા પાઠવું છું.