કપરાડા તાલુકાના અંભેટી ગામના રોહિત વાસમાં રહેતા રમેશભાઈ બાબુભાઈ રોહિત છૂટક ડ્રાઈવર તરીકે નોકરી કરે છે. રમેશભાઈ રોજની જેમ તેમની બાઈક નંબર જીજે/15/બીઈ/9583 લઈને કામની શોધમાં વાપી ગયા હતા. વાપીના હટવાડામાં શાકભાજી સહિતનો સામાન ખરીદી તેઓ બપોરના સમયે અંભેટી પરત આવવા નીકળ્યા હતા. રમેશભાઈ તેમની બાઈક લઈને કોપરલીથી અંભેટી તરફ જતા અને ડાયવર્ઝન વાળા કાચા રસ્તા ઉપરથી પસાર થઈ રહ્યા હતા.

 

 

 

 

તે સમયે પાછળથી આવી રહેલા એક ટેન્કર નંબર જીજે/15/એક્સ/0495/ના ચાલકે રમેશભાઈની બાઈકને અડફેટે લેતા અકસ્માત સર્જાતા રમેશભાઈ બાઈક ઉપરથી રોડ પર પટકાતા તેમના પરથી ટેન્કર ફરી વળતા તે ગંભીર રીતે ઘાયલ થયા હતા. ત્યારબાદ તેમને સારવાર માટે હરિયા હોસ્પિટલમાં દાખલ કરવામાં આવ્યા હતા.

 

 

 

આ ઘટના અંગે રમેશભાઈ એ અકસ્માત સર્જનાર ટેન્કર ચાલક વિરુદ્ધ નાનાપોંઢા પોલીસ સ્ટેશનમાં ગુનો નોધાવ્યો હતો.