વલસાડ સીટી પી.આઈ. વી.ડી.મોરીએ આપેલી સુચના મુજબ વલસાડ સીટી પોલીસની ટીમે વહેલી સવારે પેટ્રોલિંગમાં હતી. તે સમયે મળેલી ખાનગી બાતમીના આધારે, પોલીસે મોગરવાડી હનુમાન ફળિયામાં ખુલ્લામાં ચાલી રહેલા જુગારધામ પર છાપો માર્યો હતો.

પોલીસને જોતા જ જુગારીઓમાં અફરા-તફરી મચી ગઈ હતી. પોલીસે જુગારધામ પર પહોંચી જતાં ત્યાં મચી ગયેલી અફરા-તફરી વચ્ચે 11 જુગારીઓને ઝડપી પાડી રૂપિયા 14,615/-, 6 નંગ મોબઈલ તથા ગંજીફાના પત્તા મળી કુલ રૂપિયા 37,615/નો મુદ્દામાલ કબ્જે કરી પોલીસ કોન્સ્ટેબલ હરદીપસિંહ હેતુભા ગોહિલએ નોંધાવેલ ફરિયાદનાં આધારે સીટી પોલીસે ઝડપાયેલા 11 અને નાસી છુટેલા 3 એમ કુલ 14 જુગારીઓ વિરુદ્ધ ગુનો નોંધી વધુ તપાસ હાથ ધરી હતી.(ફાઈલ ફોટો)