વલસાડ સર્કલ પોલીસ ઇન્સ્પેકટર તથા ટીમે ગુંદલાવ પોલીસ ચોકી પાસે આવેલી એસબીઆઈ બેંક નજીક કોવીડ-19 અંતર્ગત પેટ્રોલીંગમાં હતી. તે સમયે બેંક પાસે આવેલ એક ઘર સામે કેટલાક ઈસમો ભેગા થયેલા જોવા મળ્યા હતા. તેથી પોલીસ ટીમે તે ઘર પાસે પહોંચી ત્યાં હાજર લોકો ભાગી છુટ્યા હતા અને ઘર પાસે બે મહિલાઓ અને એક ઈસમ ઉપર શંકાને આધારે પોલીસે ઘરમાં તપાસ કરી તો, રસોડાના ભાગે અને અન્ય ઠેકાણે સંતાડવામાં આવેલ દારૂ તથા બિયરની 23 બોટલો મળી આવી હતી.

પોલીસે દારૂ તથા બિયરનીનો જથ્થો, 1 નંગ મોબઈલ તથા એકટીવા મોપેડ નંબર જીજે/15/ડીએ/5408 મળી કુલ રૂપિયા 26,600/- મુદ્દામાલ સાથે મહિલા મીનક્ષીબેન કલ્પેશભાઈ પટેલ, રેવાબેન લલ્લુભાઈ પટેલ અને કલ્પેશભાઈ પટેલ (તમામ રહે.ગુંદલાવ,એસબીઆઈ પાસે) નાઓની ધરપકડ કરી ત્રણેય વિરુદ્ધ ગુનો દાખલ કરી આગળની કાર્યવાહી હાથ ધરી હતી.