વાલોડ તાલુકાના ડુમખલ પેપરમીલમાંથી નાઈટ ડ્યુટી કરી ટુ-વ્હીલર પર ઘરે પરત ફરતા સમયે વાલોડ બુહારી રોડ ઉપર ગોલણ ગામની સીમમાં ટ્રકનાં વચ્ચેનાં ભાગે અડફેટે આવી જતા યુવકનું મોત નીપજ્યું હતું. સૂત્રો પાસેથી મળતી માહિતી મુજબ, ડુમખલ ગામે આવેલ પેપરમિલમાં અરવિંદભાઈ ચૌધરી (ઉ.વ.30., રહે.બામણામાળદુર ગામ, નિશાળ ફળિયું, ડોલવણ)નાંઓ ઇલેક્ટ્રિશિયન તરીકે નોકરી કરતો હતો.

જે નાઈટ ડ્યુટી પૂરી કરી મિલમાંથી છૂટી સવારે બાઇક નંબર GJ/26/E/6995 પર ઘરે જતો હતો તે સમયે ગોલણ થઈ બુહારી પાસેથી પસાર થતો હતો તે દરમિયાન ગોલનાં ગામની સીમમાં સ્ટેટ હાઇવે ઉપર સાંઈ કામના પાટિયા નજીક ખેતર તરફ જવાના કાચા રસ્તે ટ્રક નંબર GJ/05/BU/6315નાં ચાલકે અચાનક ટ્રક વાળી દેતા વિપુલભાઈ ચૌધરીની બાઈક ટ્રકના વચ્ચેના ભાગે અથડાઈ હતી બાઈક ટ્રકના પાછળના ભાગે આવી જતા ચાલક વિપુલભાઈ ચૌધરીને ગંભીર ઈજા થતાં તેનું ઘટના સ્થળે મોત નિપજ્યું હતું.