વડોદરાનાં વાઘોડિયા રોડ પર રહેતા વૃદ્ધાએ આર્થિક સંકડામણ અને કૌટુંબિક ત્રાસના કારણે ફાંસો ખાઇને આપઘાત કરી લીધો છે. બનાવ અંગે પાણીગેટ પોલીસે વધુ તપાસ હાથ ધરી હતી. પોલીસ સૂત્રો પાસેથી મળતી માહિતી મુજબ, મૂળ પંચમહાલ જિલ્લાના કાલોલ ખાતે રહેતા અને હાલમાં વાઘોડિયા રોડની વિરપુર નગર સોસાયટીમાં રહેતા 65 વર્ષના જયેશભાઇ જીવણભાઇ પંડયા નિવૃત્ત જીવન ગુજારે છે.

જોકે સવારે તેમના પરિવારજનો ઉઠયા ત્યારે તેઓ ફાંસો ખાધેલી હાલતમાં હતા. જેથી પરિવારજનોએ પાણીગેટ પોલીસને જાણ કરી હતી. પાણીગેટ પોલીસે સ્થળ પર જઇને તપાસ કરતા જાણવા મળ્યું હતું કે, મૃતકે એવો આક્ષેપ કર્યો હતો કે, કૌટુંબિક ત્રાસ અને આર્થિક સંકડામણના કારણે આપઘાત કર્યો છે. બનાવ અંગે પાણીગેટ પોલીસે વધુ તપાસ હાથ ધરી હતી.