વ્યારાનાં ખુશાલપુરા ગામની સીમમાંથી પસાર થતા સોનગઢથી બારડોલી તરફ જતા નેશનલ હાઈવે નંબર-53 ઉપર નહેર બ્રિજ પાસે ટેન્કર નંબર M/12/TV/8227નાં ચાલકે રોડની સાઇડે ચાલતા અજાણ્યા પુરુષ ઈસમને અડફેટે લેતા માથાનાં ભાગે ગંભીર ઇજા થવાથી અજાણ્યા ઈસમનું મોત થયું હતું. જયારે ટેન્કર ચાલક વિપિનકુમાર અંબીકપ્રસાદ સિંધ (હાલ રહે.અમીનનગર ઉધના, સુરત) સામે વ્યારા પોલીસ મથકે હિરેનભાઈ ચૌધરી (રહે.ખુશાલપુરા ગામ, વ્યારા)નાંએ ફરિયાદ કરતા પોલીસે આગળની તપાસ હાથ ધરી હતી.