માહિતી વિભાગ દ્વારા સુરત, રાજ્યનું એક પણ બાળક શિક્ષણથી વંચિત ન રહી જાય માટે શાળા પ્રવેશોત્સવ-કન્યા કેળવણી મહોત્સવદર વર્ષે ઉજવાય છે, ત્યારે સુરત જિલ્લાની ચોર્યાસી તાલુકાની લાજપોર ગામની પ્રાથમિક શાળાઓમાં નર્મદા જળસંપતિ, પાણીપૂરવઠા અને કલ્પસર વિભાગના નાયબ સચિવશ્રી ઉમેશ પી.વસાવાની ઉપસ્થિતિમાં પ્રવેશોત્સવ-કન્યા કેળવણી મહોત્સવમાં યોજાયો હતો. જેમાં શાળાની દીકરીઓએ સ્વાગત નૃત્ય કરી પ્રવેશ લેનારા ભુલંકાઓને વધાવ્યા હતા.

મહત્વની બાબત એ છે કે લાજપોર હળપતિવાસ શાળાની ૧૬ દીકરીઓ છેલ્લા બે વર્ષથી કલા મહાકુંભની રાજ્યકક્ષાની સાંસ્કૃતિક સ્પર્ધામાં બીજો ક્રમ મેળવી રહી છે. તેમણે ગ્રામ્ય કલા મહોત્સવમાં જિલ્લા કક્ષાએ પણ પ્રથમ ક્રમ પ્રાપ્ત કર્યો છે. આ વાથી પ્રભાવિત થઈને નાયબ સચિવશ્રીએ દીકરીઓની કુશળતાને વધાવતા દાતાઓના સહયોગથી પ્રાપ્ત રોકડ ઇનામી રાશિ દિકરીઓને અર્પણ કરી પ્રોત્સાહિત કરી હતી.