સોનગઢના ઉકાઈ માંથી પસાર થતી તાપી નદીના પાણીમાં ડૂબી જવાથી વૃધ્ધાનું મોત નીપજયું હોવાનો બનાવ ઉકાઈ પોલીસ મથકે નોંધાયો છે.

પોલીસ સુત્રો પાસેથી મળતી માહિતી મુજબ સોનગઢ તાલુકાના ઉકાઈ ગામની સીમમાંથી પસાર થતી તાપી નદીના ઊંડા પાણીમાં ડૂબી જવાથી જયવંતાબેન પંડિતભાઈ માળી (ઉ.વ.૮૧) રહે, દાઉલ તા.જી.ધુલિયા-મહારાષ્ટ્ર નાઓનું ગત તા.૧૭મી ઓક્ટોબર નારોજ મોત નિપજ્યું હતું.  બનાવ અંગે ગણેશભાઈ તેજપાલભાઈ વસાવા રહે, શેરૂલા ગામ,તાપી ફળિયું-સોનગઢ નાઓની ફરિયાદના આધારે ઉકાઈ પોલીસે અકસ્માત મોત બનાવ દાખલ કરી આગળની વધુ તપાસ પોલીસકર્મી સંજયભાઈ કરી રહ્યા હોવાનું જાણવા મળ્યું છે.