ગુજરાતમાં વરસાદે તોબા પોકારી છે. લગભગ અડધા ગુજરાતમાં પૂર જેવી સ્થિતિ ઉદભવી છે. ભારે વહેણને કારણે નદીઓ ગાંડીતૂર બની છે. હજી પણ પાંચ દિવસ મેઘરાજા ધમરોળશે,ત્યારે દક્ષિણ ગુજરાતના ખેડૂતોની જીવાદોરી સમાન ઉકાઈ ડેમમાં આજરોજ રાત્રે ૮ કલાકે ૩,૫૮,૦૭૦ (ત્રણ લાખ અઠાવન હજાર સિત્તેર) કયુસેક પાણીની આવક સાથે ૩૨૧.૫૮ ફૂટ સપાટી નોંધાઇ છે.

આ ઉપરાંત સુર્યપુત્રી તાપી નદીના ઉપરવાસમાં વરસાદ નોંધાતા ઉકાઈ ડેમમાં નવા નીરની આવક થઇ રહી છે અને ઉકાઇ ડેમની સપાટીમાં વધારો નોંધાયો છે. સોમવારે રાત્રે ૮ કલાકે ઉકાઈ ડેમમાં ૩,૫૮,૦૭૦ (ત્રણ લાખ અઠાવન હજાર સિત્તેર) કયુસેક પાણીની આવક સાથે ૩૨૧.૫૮ સપાટી નોંધવામાં આવી છે. જ્યારે ઉકાઇ ડેમમાંથી ૮૦૦ ક્યુસેક પાણીનો જથ્થો કેનાલના માર્ગે છોડવામાં આવી રહ્યો છે.

આજરોજ સાંજે ૫ કલાકે હથનુરડેમની સપાટી ૨૦૮.૮૩૦ મીટર નોંધાઈ છે, ડેમના ૧૬ ગેટ ફૂલ ઓપન કરી ૧૯,૧૦૫ કયુસેક પાણી છોડવામાં આવી રહ્યું છે, જયારે આજે રાત્રે ૮ કલાકે પ્રકાશાડેમની સપાટી ૧૦૭.૯૦૦ મીટર નોંધાઈ છે, ડેમના ૨ ગેટ ફૂલ ઓપન કરી ૨૫,૭૮૫ કયુસેક પાણી છોડવામાં આવી રહ્યું છે.

1. વ્યારા તાલુકામાં ૯૬ મી.મી.
2. સોનગઢ ૧૯૨ મી.મી.
3. વાલોડ ૭૬ મી.મી.
4. ડોલવણ ૯૨ મી.મી.
5. ઉચ્છલ ૧૭૧ મી.મી.
6. કુકરમુંડા ૨૫ મી.મી.
7. નિઝરમાં ૧૯ મી.મી.