તાપી જિલ્લાના ઉચ્છલ તાલુકાના પાંખરી ગામના નજીક એક ટેન્કરે બાઈકને અડફેટે લેતા બાઈક ચાલકની હાલત ગંભીર હોવાનું સામે આવ્યું હતું. બનાવ અંગે પોલીસે તપાસ હાથ ધરી હતી.

મળતી માહિતી મુજબ, ઉચ્છલ તાલુકાના પાંખરી ગામ પાસેથી પસાર થતો નેશનલ હાઈવે ઉપર એક ટાટા ટેન્કર નંબર પીબી/11/બીએ/8034ના ચાલકે બાઈકને અડફેટેમાં લેતા 28 વર્ષીય બાઈક ચાલક નિતેશભાઈ પ્રતાપભાઈ વસાવા રહે.ટોકરવા ગામ, હનુમાન ફળિયું, ઉચ્છલનાને જમણા પગે જાંઘના ભાગે ફ્રેકચર તેમજ જમણા હાથના ખભાના ભાગે તથા માથાના પાછળના ભાગે ગંભીર ઈજા થઈ હતી. આ અકસ્માત અંગે પ્રતાપભાઈ ગામીતએ ટેન્કર ચાલક વિરુદ્ધ ઉચ્છલ પોલીસ મથકે ફરિયાદ નોંધાવતા પોલીસે આગળની વધુ તપાસ હાથ ધરી હતી. (મનિષા સુર્યવંશી દ્વારા વ્યારા)