સુરતનાં કામરેજ તાલુકાનાં ખોલવડ બસ સ્ટેન્ડ પાસે ચોરીના 8 મોબાઇલ સહિત બે ઇસમોને ઝડપી પાડયા હતા. સુત્રો પાસેથી મળતી માહિતી અનુસાર, કામરેજ પી.એસ.આઈ.ની આગેવાનીમાં કામરેજ પોલીસ ડી સ્ટાફના નામદેવ કલાભાઈ સહિતના પોલીસ કર્મી દ્વારા નાઈટ કોમ્બીગ કામગીરી હાથ ધરવામાં આવતા ડી સ્ટાફના પોલીસ કર્મીને મળેલી બાતમીના આધારે કામરેજના ખોલવડ બસ સ્ટેન્ડ નજીક હાથમાં થેલી લઈ ઉભેલા બે ઇસમને ઝડપી પાડયા હતા.

કામરેજ પોલીસે મહોમદ તોસીફ ઉર્ફે મોનું શેખ (ઉ.વ.29., રહે.ઘર નંબર 8 મદની રેસી.જકાતનાકા કઠોર) અને મોહમદ અરબાઝ ઉર્ફે અબુ અફઝલ શેખ (ઉ.વ.23., રહે.ઘર નંબર 45 રાબીયા રો-હાઉસ જકાતનાકા કઠોર)ની અટક કરી તેમની પાસેથી મળી આવેલા 8 એન્ડ્રોઇડ મોબાઇલ ફોન જેની કિંમત રૂપિયા 28,500/-હતી જે પોલીસે કબ્જે કરી આગળની કાર્યવાહી હાથ ધરી હતી.