મનિષા એસ. સુર્યવંશી/તાપી : સોનગઢનાં કનાળા ગામથી ચીખલી ગામ તરફ જતાં કનાળા ગામનાં રોડ ઉપર એક બાઈકની ડીક્કીમાંથી દારૂની બોટલ સાથે બે યુવકો ઝડપાયા હતા, જયારે બે’ને વોન્ટેડ જાહેર કરવામાં આવ્યા હતા.

મળતી માહિતી મુજબ, સોનગઢ પોલીસે ગત તારીખ 12/01/2024નાં કનાળા ગામ તરફથી ચીખલી ગામ જતાં રોડ તરફથી એક મોપેડ બાઈક નંબર GJ/26/AD/6468ની ડીક્કીમાંથી વગર પાસ પરમિટે ભારતીય બનાવટની વિદેશી દારૂની 48 નંગ બોટલો મળી આવી હતી. ત્યારબાદ પોલીસે મોપેડ બાઈક ચાલકનું નામ પૂછતા તેણે પોતાનું નામ જગદીશભાઈ રમેશભાઈ ગામીત (રહે.ચોરવાડ ગામ, ફાટક ફળિયું, સોનગઢ) અને બાઈક પાછળ બેસેલ યુવકનું નામ પૂછતા તેણે પોતાનું નામ, જયરાજ સંજયભાઈ ગામીત (રહે.ચોરવાડ ગામ, કુવા ફળિયું, સોનગઢ)નાં હોવાનું જણાવ્યું હતું તેમજ પોલીસે ઝડપાયેલ બંને યુવકની વધુ પૂછપરચ હાથ ધરતા જાણવા મળ્યું હતું કે આ પ્રોહી. દારૂનો જથ્થો લક્કડકોટ ગામનાં એક અજાણ્યા ઈસમે પૂરો પાડ્યો હતો અને આ પ્રોહી. દારૂનો જથ્થો વ્યારાના નવી વાસાહત ખાતે રહેતો રાહુલ ગુલિયા નાંએ મંગાવેલ હતો. આમ,પોલીસે મોપેડ બાઈક, વિદેશી દારૂ અને 1 નંગ મોબાઈલ મળી કુલ રૂપિયા 32,900/-નો મુદ્દામાલ કબ્જે કરવામાં આવ્યો હતો. બનાવ અંગે પોલીસે બે યુવકોને ઝડપી પાડી કાયદેસરની કાર્યવાહી હાથ ધરી હતી, જયારે દારૂ ભરી આપનાર અને મંગાવનારને વોન્ટેડ જાહેર કરવામાં આવ્યો હતો.