ઉચ્છલનાં વડપાડા નેસુ-નારણપુર ગામમાં ટેમ્પો અને બાઈક વચ્ચે થયેલ ગંભીર અકસ્માતમાં બે યુવકોના મોત નીપજતા સમગ્ર પંથકમાં ગમગીની છવાઇ ગઇ હતી. મળતી માહિતી મુજબ, ઉચ્છલ તાલુકાનાં વડપાડા નેસુના રહીશ પ્રવીણભાઈ ભગુભાઈ વસાવા અને વિશાલભાઈ સુભાષભાઇ વસાવા આમલાણથી વડપાડા નેસુ ગામે બાઈક નંબર જીજે/૨૬/એજી/૮૩૬૨ લઇને આવી રહ્યા હતા. તે દરમિયાન હાઇવે ઉપર નારણપુર ગામમાં મહિન્દ્રા પીકઅપ નંબર જીજે/૦૫/બીઝેડ/૯૬૧૯ સાથે બાઈક સાથે અકસ્માત સર્જાયો હતો. જોકે આ અકસ્માતમાં બાઈક સવાર પ્રવીણભાઈ અને વિશાલભાઇને ગંભીર ઇજા થતા બંનેનાં ઘટના સ્થળે જ મોત નીપજયા હતા. અકસ્માતની જાણ થતા ગ્રામજનો ઘટના સ્થળે ઊમટી પડયા હતા. અકસ્માતની જાણ થતા પોલીસે ગુનો નોંધી આગળની કાર્યવાહી હાથ ધરી હતી.