ઉચ્છલના ટોકરવા પાસે બાઈક સવાર બે યુવકોને અકસ્માત નડ્યો હતો. જેમાં નિઝરના બે યુવકોના મોત નિપજ્યા હોવાનો બનાવ પોલીસ મથકે નોંધાયો છે.

 

 

 

 

મળતી માહિતી મુજબ તા.12મી ઓગસ્ટ નારોજ નિઝર તાલુકાના વેલ્દા ગામના જલારામ ફળીયામાં રહેતો 21 વર્ષીય નુરમહમદ યુસુફ મકરાણી અને ખેરવા ગામનો 20 વર્ષીય યોગેશભાઈ ઈશ્વરભાઈ ગાવિત, બંને યુવકો નવી કેટીએમ એક બાઈક ઉપર સવાર થઇ ટોકરવા ગામની સીમમાંથી પસાર થઇ રહ્યા હતા તે દરમિયાન બાઈક ચાલક નુરમહમદ મકરાણીએ સ્ટેયરીંગ પરનો કાબુ ગુમાવતા બાઈક રોડની બાજુમાં આવેલ પુલની દીવાલ સાથે ઇલેક્ટ્રિક થાંભલા સાથે અથડાતા બાઈક સવાર બંને યુવકોને શરીરે ગંભીર ઈજાઓ પહોંચવાના કારણે મોત નિપજ્યું હતું.

 

 

 

 

બનાવ અંગે યુસુફ મહમદઅલી મકરાણીની ફરિયાદના આધારે ઉચ્છલ પોલીસે બનાવ દાખલ કરી નિયમોનુસારની કાર્યવાહી હાથ ધરી હતી.