રવિવારના દિવસે મોટી સંખ્યામાં લોકો દાંડીના દરિયા કિનારે ફરવા માટે આવતા હોય છે, તે સમયે આ મોટી દુર્ઘટના ઘટી હતી. અહીં ત્રણ પરિવારના લોકો દરિયામાં ડૂબી ગયા હતા. ત્રણ પરિવારના છ લોકો ડૂબી જતાં અફરતફરીનો માહોલ સર્જાયો હતો. બચાવ, બચાવનીબૂમો સાંભળી ત્યાં હાજર પોલીસ જવાનો મદદ માટે દોડી આવ્યા હતા અને ડૂબી રહેલા છ લોકોમાંથી બે લોકોને બચાવી લીધા હતા અને ડૂબી ગયેલા બાકીના ચાર લોકો હજુ લાપતા છે.

જેમની શોધખોળ હાથ ધરવામાં આવી રહી છે. ડૂબી ગયેલા લોકોમાં એક પુરુષ, બે બાળક અને એક મહિલાની શોધખોળ કરવામાં આવી રહી છે. મળતી માહિતી મુજબ, દરિયામાં ડૂબેલા લોકો મારવાડી પરિવારના છે. જ્યારે તેઓ રાજસ્થાનથી દાંડી ફરવા આવ્યા હોવાની માહિતી પણ પ્રાથમિક તબક્કે મળી રહી છે. ઘટનાને પગલે પરિવાજનોમાં ભારે શોકની લાગણી ફેલાઇ છે. જ્યારે હાલ તંત્ર દ્વારા ડૂબી ગયેલા લોકોની શોધખોળ હાથ ધરાઇ રહી છે.