પલસાણા તાલુકાનાં ચલથાણ ગામે અંબિકા નગરમાં કડોદરા પોલીસે બાતમીનાં આધારે પોલીસની ટીમે રેડ કરી હતી જેમા અંબિકા નગરમાં સુખદેવભાઈ ભોઈના મકાનના ઓટલા પર બેઠેલા બે શખ્સો નામે સુખદેવભાઈ ખડુંભાઈ ભોઈ અને કૃણાલભાઈ પંકજભાઈ સોંનપાલ (બંને રહે. રણછોડજી કોમ્પ્લેક્ષ કડોદરા નગર) નાઓને ઝડપી પાડ્યા હતા.

જોકે પોલીસે મુંબઈ કલ્યાણ બજારથી નીકળતા આંક ફેરના આધારે અન્ય શખ્સો પાસેથી રૂપિયા લઈ રૂપિયાનો હારજીતનો જુગાર રમાડતા રંગે હાથ ઝડપાયા હતા. બનાવ અંગે પોલીસે બંને આરોપીને ઝડપી રૂપિયા 18 હજારથી વધુનો મુદ્દામાલ કબ્જે કરી વધુ તપાસ હાથ ધરી હતી.