સુરત રેંજ આઈજીની ટીમ ઓપરેશન ગૃપને મળેલ બાતમીના આધારે આજરોજ સોનગઢના લક્કડકોટ માર્ગ પરથી એક બજાજ ઓટો રીક્ષા નંબર જીજે/05/બીવાય/2734 માં તપાસ હાથ ધરી હતી.

રીક્ષામાં પાછળના ભાગે બનાવેલ ચોર ખાના માંથી ભારતીય બનાવટની ટીન બીયરનો જથ્થો બાટલીઓ નંગ 52 જેની કિંમત રૂપિયા 5,200/- ના ઈંગ્લીશ દારૂ સાથે અબ્ઝ્લખાન ઇકબાલખાન પઠાણ અને મોહમદ ગુલાબ શેખ બંને રહે,મીઠીખાડી,રમાબાઈ ચૌક ચૌડી ગલી-સુરત નાઓને ઝડપી પાડી વધુ પૂછપરછ હાથ ધરતા અભિષેક બીયર શોપ, લક્કડકોટ તા.નવાપુર-મહારાષ્ટ્ર નાએ દારૂ આપ્યો હતો જયારે હનીફ રહે, નવસારી બજાર-સુરત નાએ દારૂ મંગાવ્યો હોવાનું પોલીસ તપાસમાં જાણવા મળ્યું હતું.

બનાવ અંગે હેડકોન્સ્ટેબલ બીપીનભાઈ રમેશભાઈની ફરિયાદના આધારે દારૂ,મોબાઈલ ફોન અને રીક્ષા સહિત કુલ 56,200/-નો મુદ્દામાલ જપ્ત કરી અબ્ઝ્લખાન અને મોહમદ વિરુદ્ધ સોનગઢ પોલીસ મથકે ગુનો દાખલ કરી બે જણાને વોન્ટેડ જાહેર કરવામાં આવ્યો હતો.(તસ્વીર-યુવરાજ પ્રજાપતિ)