કેન્દ્રશાસિત પ્રદેશ દાદરા નગર હવેલીમાં બસ ચાલકે સ્ટેરીંગ પરથી કાબૂ ગુમાવતા બસ રોંગ સાઇડ પર ઘુસી ગઈ હતી. આ દરમિયાન બસે બે લોકોને અડફેટે લેતાં તેમનું ઘટના સ્થળે જ મોત નિપજ્યું હતું. બનાવ અંગે પોલીસે આ મામલે તપાસ હાથ ધરી હતી.

સુત્રો પાસેથી મળતી માહિતી મુજબ, દાદરા નગર હવેલીમાં એસ.ટી. બસે સર્જેલા અકસ્માતમાં બે લોકોના મોત થયા છે. સેલવાસથી વાપી તરફ જઈ રહેલી આ બસના ચાલકે સ્ટેરીંગ પરથી કાબૂ ગુમાવતા બસ રોંગ સાઇડમાં ઘૂસી ગઈ હતી. આ દરમિયાન સામેથી મોપેડ પર આવતાં બે લોકોને બસે અડફેટે લેતાં અકસ્માત સર્જાયો હતો. આ ગોજારા અકસ્માતમાં લવાસાના બે યુવકોનું ઘટના સ્થળે જ મોત નિપજ્યા હતાં. હાલ મૃતકોના મૃતદેહને પોસ્ટમોર્ટમ ખાતે મોકલવામાં આવ્યાં છે. સમગ્ર ઘટનાની જાણ થતાં પોલીસ તાત્કાલિક ઘટના સ્થળે પહોંચી હતી. હાલ પોલીસે અકસ્માતનો ગુનો નોંધી વધુ તપાસ હાથ ધરી છે.