તાપી એલસીબી શાખામાં ફરજ બજાવતા હેડકોન્સ્ટેબલ લેબજીભાઈ પરબતજીભાઈને મળેલ બાતમીના આધારે સોનગઢના ચોરવાડ ગામના નેશનલ હાઇવે નંબર 53 પરથી એક કાર ઝડપી પાડી હતી.

તપાસ દરમિયાન સ્વીફ્ટ કાર નંબર જીજે/19/એએમ/3901 માંથી ભારતીય બનાવટની વિદેશી દારૂની નાની મોટી બોટલ કુલ નંગ 504 જેની કિંમત રૂપિયા 33,600/-  ના દારૂના જથ્થા સાથે (1) તરુણભાઈ નટવરભાઈ ગામીત (2) હસમુખભાઈ સામાભાઈ ગામીત બંને રહે, વરજાખણ, નિશાળ ફળિયું તા.માંડવી જી.સુરત નાઓને ઝડપી પાડવામાં હતા. આરોપીઓની પાસેથી મળી આવેલ મોબાઇલ ફોન,દારૂ અને કાર સહિત કુલ રૂપિયા 5,40,600/- નો મુદ્દામાલ જપ્ત કર્યો હતો.

બનાવ અંગે હેડકોન્સ્ટેબલ લેબજીભાઈની ફરિયાદના આધારે સોનગઢ પોલીસ મથકે ગુનો દાખલ કર્યો છે અને ચેંનગ્રીયો નામનો વ્યક્તિ એમડી વાઇન શોપ નવાપુર વાળા ને વોન્ટેડ જાહેર કરી આગળની વધુ તપાસ હાથ ધરવામાં આવી છે.