સુરતનાં ઉધના સીટી ઈન્ડસ્ટ્રીયલ વિસ્તારમાં અન્ડર ગ્રાઉન્ડ પાણીની ટાંકીમાં સફાઈ કરવા માટે ઉતરેલા બે મજૂરો ગૂંગળામણનાં કારણે બેભાન થઈ ગયા છે. આ ઘટનાની જાણ થતાં જ ફાયર ટીમ ઘટના સ્થળે પહોંચી ગઈ હતી અને રેસ્ક્યુ ઓપરેશન હાથ ધર્યું હતું. ફાયર ટીમે બંને મજૂરોનું રેસ્ક્યુ કર્યું હતું અને ત્યારબાદ તેમને સારવાર અર્થે સુરત સ્મીમેર હોસ્પિટલમાં ખસેડવામાં આવ્યા હતા. આ ઘટના ઉધના સીટી ઈન્ડસ્ટ્રીયલ વિસ્તારમાં બની હતી. બંને મજૂરોને કોઈ પણ પ્રકારની સેફ્ટી વિના અંદર ગ્રાઉન્ડ ટાંકીમાં સાફસફાઈ અર્થે ઉતારવામાં આવ્યા હતા.