સુરત જિલ્લાનાં કોસંબાનાં પીપોદરા ગામની સીમમાંથી એક કારનાં ચાલકે પોતાનાં કબ્જાની કારનાં સ્ટેરીંગ ઉપરનો કાબુ ગુમાવી દીધો હતો. જોકે પુરઝડપે કાર ચાલકે બેકાબુ બનેલી કાર આગળ ચાલતા ટેન્કર પાછળ ઘુસી જતા કાર હાઇવેનાં મુખ્ય રસ્તા પર પલ્ટી મારી ગઈ હતી. જોકે સમગ્ર અકસ્માતની ઘટનામાં જિલ્લા ટ્રાફિક પોલીસ બનાવનાં સ્થળે પહોંચી જઈ કારમાં સવાર ચાર પૈકી બે લોકોને ઈજાગ્રસ્ત હાલતમાં ૧૦૮ એમ્બ્યુલન્સ બોલાવી નજીકનાં સારવાર કેન્દ્ર પર સારવાર માટે રવાના કરવામાં આવ્યા હતા. જોકે હાઇવે પર બનેલી અકસ્માતની ઘટનાનાં પગલે નેશનલ હાઈવે પર ટ્રાફિક જામ થઈ જતા લોકટોળા ભેગા થઈ ગયા હતા. ટ્રાફિક પોલીસે ભારે જહેમતનાં અંતે હાઇવે ખુલ્લો કર્યો હતો.