મનિષા એસ. સુર્યવંશી/તાપી : સોનગઢનાં જે.કે. ગેટ પાસે રેલવે સ્ટેશન તરફ જતા રસ્તા ઉપર આવેલ આશાપુરા કિરાણા સ્ટોર સામે ગેરકાદેસર મુંબઈથી નીકળતા વરલી મટકાના આંકો ઉપર પૈસાવતી હારજીતનો જુગાર બે જુગારીઓ ઝડપાયા હતા.

મળતી માહિતી મુજબ, સોનગઢ પોલીસ સ્ટાફના માણસો સોનગઢ પોલીસ સ્ટેશન વિસ્તારમાં પ્રોહિ. તથા જુગાર અંગેની રેઈડમાં નીકળ્યા હતા. તે દરમિયાન ખાનગી રાહે બાતમી મળી હતી કે, નગરનાં જે.કે. ગેટ પાસે રેલવે સ્ટેશન તરફ જતા રસ્તા ઉપર આવેલ આશાપુરા કિરાણા સ્ટોર સામે કેટલાક ઈસમો મુંબઈથી નીકળતા વરલી મટકાનાં આંકો પર પૈસાવતી હારજીતનો જુગાર રમે છે. જે બાતમીનાં આધારે પોલીસ સ્ટાફનાં માણસોએ બાતમીવાળી જગ્યા પર પહોંચી રેઈડ કરતા ત્યાં બે ઈસમો મળી આવ્યા હતા.

જોકે પોલીસે બંનેનું નામ પૂછતા પહેલા તેનું નામ, ઈર્ષાદઅલી ઉર્ફે લલ્લન ફરઝનઅલી કુરેશી (રહે.અમનપાર્ક, સોનગઢ) અને બીજાનું નામ પૂછતા તેણે પોતાનું નામ, વિકેશ ગુરજીભાઈ ગામીત (રહે.અલીફ નગર, સોનગઢ)નાં હોવાનું જણાવ્યું હતું. આમ, પોલીસે સ્થળ પરથી જુગાર રમવાના સાધનો પૈકી આંકો લખેલ કાપલીઓ બુક, કોરી બુક, કાર્બન પેપર, બોલપેન તથા રોકડ રૂપિયા મળી કુલ રૂપિયા 9,320/-નો મુદ્દામાલ કબ્જે કરવામાં આવ્યો હતો. બનાવ અંગે પોલીસે ઝડપાયેલ બંને એકમો વિરુદ્ધ જુગાર ધારાની કલમ હેઠળ ગુનો નોંધી કાયદેસરની કાર્યવાહી હાથ ધરી હતી.