મનિષા એસ. સુર્યવંશી/તાપી : વાલોડનાં વાલોડ-વેડછી રોડ ઉપર જમણી બાજુ વડનાં ઝાડ નીચે જાહેરમાં જુગાર રમતા બે જુગારીઓ ઝડપાયા હતા. મળતી માહિતી મુજબ, વાલોડ પોલીસ સ્ટાફનાં માણસો રવિવારનાં રોજ ખાનગી વાહનમાં પેટ્રોલિંગમાં નીકળ્યા હતા તે દરમિયાન વાલોડ ચાર રસ્તા પાસે આવતા ખાનગી રાહે બાતમી મળી હતી કે, વાલોડ-વેડછી રોડ ઉપર જમણી બાજુએ વડનાં ઝાડ નીચે જાહેરમાં અમુક ઈસમો પાના પત્તા પર હાર જીતનો જુગાર રમે છે.

જે બાતમીનાં આધારે પોલીસ સ્ટાફનાં માણસો બાતમીવાળી જગ્યાએ પહોંચતા બે ઈસમો વડનાં ઝાડ નીચે પૈસા પાના વડે હારજીતનો જુગાર રમતા હોય જેઓને પોલીસે કોર્ડન કરી ઝડપી પાડ્યા હતા. જોકે પોલીસે બંને ઈસમોને નામ પૂછતા પહેલાએ પોતાનું નામ, કલીમ શમશુદ્દીન કુરેશી (રહે.વાલોડ, ભાવના હોટલની બાજુમાં) અને બીજાનું નામ પૂછતા ઉમેશ રાજુભાઈ ગામીત (રહે.વાલોડ, ચાર રસ્તાનાં) હોવાનું જણાવ્યું હતું. બનાવ અંગે પોલીસ કર્મચારી ધર્મેશભાઈ ચૌધરીની ફરિયાદનાં આધારે બંને જુગારીઓ વિરુદ્ધ જુગાર ધારાની કલમ હેઠળનો ગુનો નોંધી કાર્યવાહી હાથ ધરવામાં આવી હતી.